Tomoqrafiyanın zərərləri

Tomoqrafiyanın zərərləri

Tomoqrafiya müasir tibbi texnologiyanın təməl diaqnostika vasitələrindən biridir. Bir çox xəstəliklərə diaqnozun qoyulmasında tomoqrafiyanın nəticələri əsas götürülür. Tomoqrafiya diaqnozların qoyulmasında həkimlərin əsas köməkçisi sayılır. Bu texnoloji aparatin tibbi diaqnostikada nə qədər faydası varsa, insan orqanizminə bir o qədər zərəri var. Xəstəliklərin diaqnozunun təsdiqlənməsi üçün tomoqrafiyanın nəticələri vacibdir, amma ehtiyac olmadan bu apartdan keçmək orqanizmə radiasiya şüası qəbul etmək deməkdir. Bəzi tibb mütəxəssisləri tomoqrafiyadan 5 ildən bir keçməyi məsləhət görür. Tomoqrafiya orqanizmə rentgendən 400 dəfə çox radiasiya şüası ilə təsir edir. Tez-tez tomoqrafiyadan keçən adamların orqanizmi radiasiya şüaları ilə zəhərlənmiş olur.
Xəstələrə yanlız xəstələndiyi zaman tomoqrafiya çəkdirmək tövsiyə olunur. Zərurət olmadan, tez-tez çəkilən tomoqrafiya xərçəng xəstəliyinə səbəb ola bilər. Hər tomoqrafiya çəkilişində orqanizm 14-21 mqy-milliqray radiasiya qəbul edir. Bu atom bombasından 2,5 kilometr uzaqlıqda olan adamın aldığı radiasiyanın dozası ilə eynidir.Tomoqrafiya vacib olduğu zaman çəkilməlidir. Bəzi xəstəliklər var ki, onlara diaqnoz qoymaq üçün bu vacibdir. Məsələn, beyin qansızması, xərçəng kimi xəstəliklərdə buna ehtiyac böyükdür. Radiyasiyanın təsirləri orqanizmdə 20 il müddətində qala bilir. Buna görə də tomoqrafiyadan ehtiyac olmadıqca istifadə etmək lazım deyil.

Milli.Az

Mənbə: news.milli.az