Şəmkir rayonu, Yeniabad kəndində yaşayan Məmmədovlar ailəsinin 2 gizir oğlu 2-ci Qarabağ müharibəsində iştirak edib.
1990-ci il təvəllüdlü Gizir Məmmədov Cavid İlham oğlu şəhid olub, kiçik qardaşı 1992-ci il təvəllüdlü gizir Məmmədov Çingiz İlham oğlu isə itkin düşüb.
Bu barədə Yeniavaz.com-a şəhid və itkin düşmüş gizirlərimizin anası Faya Məmmədova məlumat verib.
Şəhidin anası bildirib ki, itkin düşən oğlu
Çingiz Murovdağda döyüşürdü:
"Onunla axırıncı dəfə sentyabrın 29-u danışdıq, hər şey yaxşıdır, dedi. O vaxtdan heç bir xəbər ala bilmədik. Qospitalları gəzdik, DNT analizi verdik, hər yerdə axtardıq. Daha sonra Cəbrayıldan sənədləri tapıldı, ancaq özünü gördüm deyən olmadı. Adı itkin düşənlər siyahısında var. Çingizimin 2 azyaşlı oğlu var. Böyük oğlum isə Cavid 4 oktyabrda şəhid olub. Onun da azyaşlı 2 övladı var. Artıq Cavidin 40-ı çıxıb, ancaq atası hələ də saqqallı gəzir, deyir, Çingiz gələndə yasdan çıxacağam. Bizim başqa övladımız yoxdu. Vətən sağ olsun, razıyıq ki, bir ayağı, qolu olmasın, ancaq nəfəsi gəlsin".
-
1 -
-
-
