2020-ci ildə 409 min icra sənədinin icrasının təmin edilib, 700 milyon manat vəsaitin fiziki və hüquqi şəxslərə, habelə vergi borcları üzrə büdcəyə ödətdirilib.
APA-nın məlumatına görə, bunu Ədliyyə naziri Fikrət Məmmədov videokonfrans formatında keçirilən kollegiya iclasında bildirib.
Nazir deyib ki, borclu şəxslərə aliment və digər icra ödənişlərinin onlayn qaydada aparılması, uşaqla ünsiyyətin video-əlaqə vasitəsilə həyata keçirilməsi imkanı yaradılıb.
Nazir qeyd edib ki, məhkəmə ekspertizası mərkəzində 41 ekspert ixtisası üzrə 35.000-ə yaxın işə baxılıb, bələdiyyələrin 77.000-dən çox aktı inzibati nəzarət qaydasında yoxlanılıb, qanunsuz ayrılmış 8.200 hektardan artıq torpaq sahələri geri qaytarılıb, cinayət xarakterli 23 fakt üzrə materiallar prokurorluğa göndərilib.
