İsmayıllı rayonunda daha bir məktəb inşa olunur

Ölkə başçısı İlham Əliyevin diqqəti, qayğısı, Birinci vitse-prezident Mehriban xanım Əliyevanın təşəbbüsü və onun rəhbərlik etdiyi Heydər Əliyev Fondunun dəstəyi ilə ümumi təhsil müəssisələrinin infrastrukturunun müasirləşdirilməsi istiqamətində İsmayıllı rayonunda xeyli işlər görülüb. Rayonda yeni məktəblər tikilir, əsaslı təmir edilir, təhsil müəssisələri yeni avadanlıqlarla təchiz edilir.

İsmayıllı rayonunun Sumağallı kəndində yeni ümumtəhsil məktəbi binasının tikintisi ilə bağlı tədbirlər haqqında 31.07.2020–ci il tarixli Azərbaycan Respublikası Prezidentinin Sərəncamı ilə məktəb sökülərək yenisi inşa olunur.

İnterAz xəbər verir ki, 1970-ci ildə tikilən məktəb 170 yerlik olub. Kənddə şagird sıxlığı nəzərə alınaraq 14 sinif komplekti olmaqla, 238 yerlik nəzərdə tutulub. Müasir layihə əsasında inşa edilən təhsil ocağının tikintisinə ötən ilin noyabr ayında başlanılıb, hal-hazırda beton işləri görülür. Cari ilin sentyabr ayına qədər istifadəyə verilməsi planlaşdırılıb.

Layihəyə əsasən məktəbdə akt zalı, fənn kabinetləri, kompyuter otaqları, laboratoriyalar, idman zalı, yeməkxana, eləcə də idmanın müxtəlif növləri üzrə açıq meydançalar inşa ediləcəkdir.

Interaztv.com

ƏVVƏLKİ XƏBƏR

İdxal və ixrac ilə məşğul olan şirkətlər azalıb

SONRAKI XƏBƏR

Azərbaycanda koronavirusa qarşı peyvəndləmə bu prinsiplər əsasında keçirilir