Azərbaycan koronavirusa qalib gələn ilk ölkələr sırasında olacaq - Deputat

Bakı. Elçin Mehdiyev – Trend:

Azərbaycan koronavirus pandemiyasına qalib gələn ilk ölkələr sırasında olacaq.

Bunu Trend-ə Milli Məclisin deputatı İlham Məmmədov deyib.

İ.Məmmədov vurğulayıb ki, Azərbaycan apardığı effektiv və keyfiyyətli qabaqlayıcı tədbirlər sayəsində koronavirus pandemiyasına qarşı mübarizədə ön sıralarda yer aldı:

“Bu, bütün dünyanın gözü qarşısında baş verdi. Bu gün də Azərbaycan cənab Prezidentimizin tapşırığı ilə vaksinasiya prosesinə ilk qoşulan ölkələrdəndir. Hesab edirəm ki, bu qlobal bəlaya ilk qalib gələn ölkələrdən biri də məhz Azərbaycan olacaq".

Deputatın sözlərinə görə, dünən etibarilə ölkəmizdə dünyada sınaqdan keçmiş yüksək keyfiyyətli və daha az riskli Çinin “sinovac” vaksininin peyvəndlənmə işlərinə artıq başlanılıb:

"Əhalimizi peyvəndlənmə prosesində yaxından iştirak etməyə çağırıram. Peyvəndlənmə ilə dünyada bir çox ağır xəstəliklər aradan qaldırılıb.

Bu, yeganə üsuldur ki, ağır pandemiyaya qarşı mübarizədə əsas rol oynayır. Buna görə də heç kim çəkinmədən, şayiələrə qapılmadan tez bir zamanda normal həyatımıza qayıtmaq üçün vaksinasiya olunmalıdır.

Sosial media və digər onlayn platformalarda yayılan şayiələrə qəti sürətdə inanmaq olmaz. Çinin ənənəvi "Sinovac" şirkətinin istehsal etdiyi vaksinlərin effektiv nəticəsi göz qabağındadır".

Trend.az

ƏVVƏLKİ XƏBƏR

50 günlük fasilə başa çatır: Restoranlarda hansı hazırlıqlar görülür? - REPORTAJ + FOTO

SONRAKI XƏBƏR

Azərbaycanın maliyyə bazarında yeni investisiya şirkəti - “MFX-Trading”