ABŞ-da 20 Yanvar faciəsi ilə bağlı məktub kampaniyası başlayıb

ABŞ-da fəaliyyət göstərən Amerika Azərbaycanlıları Şəbəkəsi (USAN) 20 Yanvar faciəsinin 31-cu ildönümünə həsr olunmuş məktub kampaniyasına başlayıb.

Bu barədə Cebhe.info-ya Diasporla İş üzrə Dövlət Komitəsinin mətbuat xidmətindən məlumat verilib.

Məktubda Qara Yanvar faciəsinin səbəbləri, M.Qorbaçov başda olmaqla SSRİ rəhbərliyinin xalqımıza qarşı insanlığa zidd hərbi cinayət törətməsi, Bakı faciəsinin Budapeşt (1956) və Praqa (1968) hadisələrini xatırlatdığı barədə ətraflı məlumat verilib.

USAN xatırladıb ki, məhz həmin ağır və mürəkkəb dönəmdə soydaşlarımız bir araya gələrək ölkəmizin azadlığı və müstəqilliyi uğrunda mübarizəyə qalxıblar. Şəbəkə 20 Yanvar həqiqətlərinin dünya ictimaiyyətinə çatdırılması üçün ABŞ-da və müxtəlif ölkələrdə yaşayan azərbaycanlıları fəal olmağa, faciəyə aid fotoları, materialları və məktubları aşağıdakı link vasitəsilə vəzifəli şəxslərə və yerli mətbuata ünvanlamağa çağırıblar.

Cebhe.info

ƏVVƏLKİ XƏBƏR

Almaniya səfiri: "Bu gün biz 1990-cı ildə Azərbaycanın azadlıq hərəkatına qarşı şiddətli basqını xatırlayırıq"

SONRAKI XƏBƏR

AYP üzvləri Şəhidlər xiyabanını ziyarət etdi