Bursanın İnəgöl ilçəsində hər il minlərcə yerli və xarici turistin ziyarət ettiyi üç milyon illik Oylat Mağarası var.

“Haber Global”ın məlumatına görə, 700 metr uzunluğu, 93 metr hündürlüyü olan mağaranın Türkiyənin ən böyük ikinci mağarasıdır.

Onun daxili havası astma və bronxit kimi nəfəs yolları xəstələri üçün faydalıdır.

Mağaranın qeyri-adi xüsisiyyətlərindən biri də daxilindəki temperaturun ilin dörd fəslində də +18 dərəcə olaraq qalmasıdır.

Çox təəssüf ki, bu yaxınlarda mağara divarlarında sprey boya yazılmış yazılar aşkarlanıb. Yerli sakinlər təbiət abidəsinə qarşı vandallıq etmiş şəxslərin tapılaraq cəzalandırılmasını tələb edirlər.

 

Mənbə: www.oxu.az