Təcavüz etdiyi hər qadına 500 min dollar ödəyəcək

Təcavüz etdiyi hər qadına 500 min dollar ödəyəcək

Hollivud prodüseri Harvi Vaynşteyn tərəfindən təcavüz və cinsi zorakılığa məruz qalan 50 qadın ümumilikdə 17,1 milyon dollar alacaq.

Open.az xəbər verir ki, bu barədə "Variety" nəşri məlumat yayıb.

ABŞ-ın müflisləşmə işləri üzrə hakimi Meri Uolrat prodüserin "Weinstein Company" şirkətinin ləğvi planını təsdiqləyib. Hakimin qərarına əsasən, şirkətin müflisləşmə proseduru çərçivəsində 17,1 milyon dollar məbləğində fond yaradılacaq. Vaynşteynin cinsi zorakılığına məruz qalan 50 qadın isə 500 min dollar məbləğində kompensasiya alacaq.

Qeyd edək ki, 23 il müddətində azadlıqdan məhrum edilən Harvinin ünvanına ilk ittihamlar 2017-ci ilin sonunda irəli sürülüb. Son 30 il ərzində onun 80-dən çox xanıma təcavüz etdiyi deyilir.

Onlar arasında Ancelina Coli, Qvinet Peltrou, Salma Hayek kimi məşhur aktrisalar da var.

Mənbə: open.az