Azərbaycan İlahiyyat İnstitutunda “Bədən dili” mövzusunda onlayn vebinar keçirilib

Azərbaycan İlahiyyat İnstitutunda (Aİİ) Tələbə Elm Cəmiyyətinin (TEC) təşkilatçılığı ilə “Bədən dili” mövzusunda onlayn vebinar keçirilib.

Eurasia Diary xəbər verir ki, vebinarda açılış nitqi ilə çıxış edən Aİİ TEC-in sədri, ilahiyyat üzrə fəlsəfə doktoru, dosent Məmmədəli Babaşlı bildirib ki, TEC tələbələrin asudə vaxtlarının səmərəli təşkili, onların ideya və təkliflərinin reallaşması üçün müxtəlif layihələrdə və maarifləndirici seminarlarda iştirakına xüsusi diqqət yetirir.

İnstitutun üçüncü kurs tələbəsi Orxan Abışlı fərdlərin öz fikirlərini qarşı tərəfə çatdırılmasında bədən dilinin önəmindən, ondan düzgün istifadə qaydalarından danışıb.

Daha sonra Aİİ-nin İlahiyyat fakültəsinin dekan müavini, sosiologiya üzrə fəlsəfə doktoru Asəf Qənbərov qeyd edib ki, vebinarın əsas məqsədi gənclərə şəxsi və peşəkar fəaliyyətlərində bədən dilindən düzgün istifadəni öyrətməkdir. Həmçinin tədbirin mövzusu bədən dilinin insan həyatındakı əhəmiyyəti barədə gəncləri maarifləndirməkdir.

Vebinarda jest və mimikadan istifadə; effektiv ünsiyyət üçün düzgün səs tonundan və göz təmasından istifadə kimi mövzular ətrafında söhbət açılıb.

Ednews.net

ƏVVƏLKİ XƏBƏR

ABŞ sanksiyaları “Huawei”in satışlarını 40 faiz azaldıb

SONRAKI XƏBƏR

Türk hərb tarixçisi: “Zəngəzur boğazımızdakı “düyün”dür” – Açılır?