Tbilisidə cinsi azlıqların paradı keçiriləcək

Gürcüstanın paytaxtı Tbilisidə cinsi azlıqların paradı keçiriləcək.

“Report”un Gürcüstan bürosu xəbər verir ki, bu barədə tədbirin təşkilatçısı olan “Tbilisi Pride” təşkilatının yaydığı bəyanatda bildirilib.

Sənəddə qeyd olunub ki, aksiyaya yerli sakinlərlə yanaşı, Avropa İttifaqıvə qonşu ölkələrdən olan cinsi azlıqlar da qoşulacaqlar.

Təşkilat cinsi oriyentasiyasından asılı olmayaraq, hamını aksiyaya qoşulmağa dəvət edib.

Aksiyanın yeri və vaxtı açıqlanmayıb.

Qeyd edək ki, Tbilisidə cinsi azlıqların paradı 18-23 iyun tarixinə təyin olunub. Gürcüstanın Daxili İşləri Nazirliyi təhlükəsizlik baxımından aksiyanın keçirilməsini tövsiyə etməyib. Tədbir ölkədəki millətçilər və din xadimləri arasında da hiddətlə qarşılanıb. Onlar aksiyanın qarşısını alacaqlarını bildiriblər.

 

 

Cebhe.info

ƏVVƏLKİ XƏBƏR

“Kollec məzunlarının universitetlərə imtahansız qəbulunun bu kimi faydaları var”- Şahlar Əsgərov

SONRAKI XƏBƏR

Fuad Abbasovdan Paşayevə cavab: Vəkilim deyil!