Erciyes Universitetinin Tibb Fakültəsi Farmakoloji kafedrasının müəllimi, doktor Ahmet İnal “zamanla mutant viruslara yeni mutantlar da qoşulacaq. Bəlkə Türkiyə mutantı da ortaya çıxdı. O zaman da “Türkiyə mutantında “bu” xüsusiyyət var”, deyilə bilər. Lakin hələ ki onu tapmamışıq” deyib. A.İnal indiyədək dünyanın 3 mutant virusla qarşılaşdığını söyləyib:

“Birincisi, İngiltətə mutantıdır, sonrakılar isə Braziliya və Güney Afrika mutantları. İngiltərə mutant çox yoluxdurucu olmağıyla seçilir. Braziliya mutantı isə ağır keçir. Lakin “COVİD-19” virusları arasında hazıra ən təhlükəli, ən qorxunc olanı Güney Afrika virusudur. Bu virusa qarşı diqqət edilməsi gərəkir. Səhiyyə Nazirliyi Güney Afrika mutantına yoluxmanın sayını 250 göstərir. Hazırkı peyvəndlər bu mutant virusa qarşı az təsirlidir, amma yenə də, təsiri göünür”, söyləyib. Yoluxma sayındakı artımlara diqqət çəkən A.İnal deyib ki, buna səbəb ingilis mutantıdır: “İngilis mutantının əsas xüsusiyyəti xəstəliyin ağır gedişatda olmaması, lakin daha tez, daha asan yoluxdura bilməsidir. Bu mutant virusun yoluxduruculuq qabiliyyəti yüksək olduğu üçün üst-üstə 2 qoruyucu maska taxmaq lazımdır. Hansı virus olursa-olsun, qaydalar dəyişmir: maska, məsafə və təmizlik. Amma maskalar 2 qat olsa, daha yaxşıdır”.

Mənbə: sherg.az