Mövcud sanitar- epidemioloji vəziyyətlə əlaqədar ümumi təhsil müəssisələrinin I siniflərinə elektron qeydiyyat prosesində valideynlərə kömək məqsədilə 31 Alternativ qeydiyyat mərkəzi fəaliyyətdədir.

Bu barədə Tehsil.biz-ə Bakı Şəhəri üzrə Təhsil İdarəsindən (BŞTİ) məlumat verilib

BŞTİ-dən bildirilib ki, özü elektron qeydiyyatdan keçə bilməyən valideynlərə paytaxtın 12 rayonu üzrə 27 məktəbdə yaradılmış işçi qrupları və 4 “Whatsapp” nömrəsi vasitəsilə zəruri köməklik göstərilir.

Mənbə: tehsil.biz