Bank qazinin 12 min manat borcunu bağladı - FOTO

Qazi Cavad Qələndərlinin “Kapital Bank”a olan borcu bank tərəfindən tamamilə bağlanıb.

Bu barədə Oxu.Az-a onun anası Ülkər Həsənova məlumat verib. O bildirib ki, "Kapital Bank" oğlu Cavid Qələndərlinin mövcud olan 12 min manat borcunu silib:

“Məni dəstəkləyən hər kəsə təşəkkür edirəm. “Kapital Bank”ın müdiriyyətinə göstərdikləri anlayışa görə minnətdaram. Cavadin kredit borcu tam bağlandı. Allahdan bütün qazilərə şəfa diləyirəm”.

Qeyd edək ki, daha əvvəl qazinin anası bu məsələ ilə bağlı sosial şəbəkədə paylaşım etmişdi. Paylaşımda mövcud borcu ödəməyə maddi imkanlarının olmadığını bildirmişdi. Məsələ kütləvi informasiya vasitələrində işıqlandırıldıqdan sonra “Kapital Bank” rəhbərliyi tərəfindən məsələyə reaksiya gəldi.

Könül Cəfərli

Oxu.az

ƏVVƏLKİ XƏBƏR

Heydər Əliyev adına Ali Hərbi Məktəbdə şəhidlərin anım mərasimi keçirilib

SONRAKI XƏBƏR

Kürdəmir rayon sakinindən müvafiq sənədləri olmayan ov tüfəngi götürülüb