Suraxanıda şəhid ailələrinin yaşadığı növbəti küçə asfaltlanır - FOTO

Suraxanı rayonunda Azərbaycanın ərazi bütövlüyü uğrunda qəhrəmancasına şəhid olan sakinlərin adlarının əbədiləşdirilməsi, onların əziz xatirəsini daim yaşatmaq, ailələrinə diqqət və qayğı göstərmək, problemlərinin həlli istiqamətində təxirəsalınmaz tədbirlərin həyata keçirilməsi xüsusi diqqətdə saxlanılır.

Suraxanı RİH-dən “Qafqazinfo”ya verilən məlumata görə, bu tədbirlər çərçivəsində Vətən uğrunda haqq savaşının qəhrəmanları, torpaqlarımızın düşmən tapdağından azad olunmasında şücaət göstərərək şəhidlik zirvəsinə ucalan Hacıyev Elmaz Elmar oğlunun və Səlimov Şiralı Vüqar oğlunun ailə üzvlərinin yaşadığı Suraxanı rayonu, Hövsan qəsəbəsi, Südçülük sovxozu adlandırılan yaşayış sahəsində uzunluğu 420 m olan küçədə 2500 kv.m asfalt örtüyü salınıb.





Qafqazinfo.az

ƏVVƏLKİ XƏBƏR

Şahzadə Biatris ana olub

SONRAKI XƏBƏR

Tədrisin başlanması ilə bağlı metro stansiyalarına nəzarət gücləndirildi