Serbiyada türk dili tədris olunacaq

Belqrad, 16 oktyabr, AZƏRTAC

Yunus Əmrə İnstitutu (YEE) ilə Serbiyanın ən qədim təhsil ocaqlarından biri olan Belqrad Filologiya Liseyi arasında türk dilinin seçmə fənn kimi təhsil proqramına daxil edilməsinə dair əməkdaşlıq protokolu imzalanıb.

AZƏRTAC xəbər verir ki, əməkdaşlıq protokolu çərçivəsində türk dili, mədəniyyəti, eləcə də müxtəlif sənət növləri üzrə konfranslar, seminarlar, tərcümə mərkəzləri və sərgilər kimi mədəni tədbirlər təşkil ediləcək.

Dil kurslarının təşkilində məqsəd türk mədəniyyətini, həmçinin fərqli mədəniyyətləri tanıtmaqdır.

Türk dili liseydə 15-ci xarici dil kimi tədris olunacaq və dərslər gələn həftədən başlayacaq.

Nihad Budaqov

AZƏRTAC-ın xüsusi müxbiri

Belqrad

Azertag.az

ƏVVƏLKİ XƏBƏR

“Qəbələ” seriyanı davam etdirmək, “Keşlə” “Səbail”i keçmək arzusunda

SONRAKI XƏBƏR

BMT Polşa parlamentinin miqrantlarla bağlı qəbul etdiyi qanunu tənqid edib