Xəbər verdiyimiz kimi, Füzulidə Zəfər Parkı və İşğal muzeyi salınacaq. Parkda, həmçinin Zəfər abidəsi də qurulacaq.

"Qafqazinfo" bu məqamda Zəfər abidəsinin hansı formada hazırlanacağı ilə bağlı bəzi məlumatları təqdim edir.

Bu abidə üç hissədən ibarətdir. Podium, sonra lövhə və sütunlar. Lövhədə Füzulidə ağır döyüşlərdə qəhrəmancasına şəhid olmuş igidlərimizin adları əks olunacaq. Abidənin davamında 44 sütun olacaq ki, ümumi 44 simvolunu əks etdirəcək.

Bu, yuxarıdan da, bütün hər tərəfdən görsənəcək.

Qeyd edək ki, layihənin müəllifi Rəşad Mehdiyevdir.

Onu da əlavə edək ki, Prezident İlham Əliyevin sərəncamı ilə Füzuli Memorial Kompleksinin (Füzuli İşğal Muzeyi və Memorial Parkı, Füzuli Zəfər Muzeyi, Füzuli Zəfər Abidəsi və Füzuli Bayraq Meydanı) layihələndirilməsi və tikintisi ilə bağlı Mədəniyyət Nazirliyinə ilkin olaraq 1,5 milyon manat vəsait ayrılıb.

Mənbə: qafqazinfo.az