Avropada COVID-19-a yoluxma və ölüm halları artır

Avropa keçən həftədə koronavirusa (COVID-19) yeni yoluxma hadisələrinin və xəstəlikdən ölənlərin sayının artmağa davam etdiyi dünyanın yeganə qitəsi olmaqda davam edir. SİA bu barədə xarici mətbuata istinad edir.

Trend-in məlumatına görə, bu barədə Ümumdünya Səhiyyə Təşkilatı (ÜST) bildirib.

Məlumata əsasən, oktyabrın 18-dən 24-dək olan həftə ərzində dünyada COVID-19 infeksiyasına yeni yoluxma hallarının sayı 4 faiz artıb. Bundan əlavə, koronavirusa yeni yoluxma hadisələrinin yarıdan çoxu (57%) Avropa regionunda qeydə alınıb. Dünyanın bu qitəsi keçən həftə ilə müqayisədə yoluxmanın artdığı yeganə bölgə idi.

Digər bölgələrdə həftəlik COVID-19-a yoluxma hallarında azalma qeydə alınıb.

Dünyada ümumilikdə xəstəlikdən ölənlərin sayı keçən həftə ilə müqayisədə 5% artıb. Avropa regionunda (14%) və Cənub-Şərqi Asiyada (13%) artım qeydə alınıb.

Sia.az

ƏVVƏLKİ XƏBƏR

Xirosimaya atılan atom bombasının son şahidi öldü

SONRAKI XƏBƏR

"Milan" danimarkalı müdafiəçi ilə müqaviləni uzadıb