Bakı məktəblərində koronavirusla bağlı durum açıqlanıb

"Məktəblərdə koronavirusa yoluxma halları ilə bağlı məsələ lokal şəkildə həll olunur".

"Report" xəbər verir ki, bunu Bakı Şəhəri üzrə Təhsil İdarəsinin müdiri Mehriban Vəliyeva jurnalistlərə açıqlamasında deyib.

İdarə müdiri bildirib ki, harada ciddi problem varsa, Gigiyena və Epidemiologiya Mərkəzinin qərarı ilə həmin yerdə ya məktəb, ya da sinif distant təhsilə keçir: "14 gündən, yəni karantin rejimi bitəndən sonra yenidən əyani tədrisə qaytarılır. Bir faktı xüsusi qeyd edim ki, problem yavaş-yavaş daha yaxşı istiqamətə yönəlib".

M.Vəliyeva bəzi məktəblərdə idman zalları kiçik olduğundan dərslərin məktəbin həyətində keçirilməsi məsələsinə də münasibət bildirib: "Mövcud problemlərin həlli proqramlaşdırılmış və təhlil olunmuş şəkildə həyata keçirilir. Növbəli şəkildə məktəblərin təmiri, infrastrukturunun yaxşılaşdırılması istiqamətində işlər aparılır".

Report.az

ƏVVƏLKİ XƏBƏR

Uşaqlar hərbi münaqişələr zamanı heç bir halda hədəf obyektinə çevrilməməlidir - Ombudsman

SONRAKI XƏBƏR

İki evini 1,5 milyona satdı