“Bəlkə də “Omicron” ştammı ilk dəfə Azərbaycanda yayılıb”

“Omicron” koronavirusun bir ştammıdır. Koronavirus mövcud olduqca virusun yeni ştammları yaranacaq”.

Bu sözləri Yenisabah.az-a açıqlamasında həkim-terapevt Rasif Bağırov söyləyib.

Onun sözlərinə görə, yeganə çarə peyvənddir:

““Omicron” haqqında Ümumdünya Səhiyyə Təşkilatının və dünya ölkələrinin hələ ki vahid bir fikri yoxdur. Bu növün ağır, yoxsa yüngül olduğu da hələ bilinmir. Alimlərin ümumi fikri ondan ibarətdir ki, yeni növ digər növlərlə eynidir. Kifayət qədər immuniteti olan, peyvənd prosesindən keçən şəxslər xəstəliyi yüngül keçirəcək”.

Virusun yeni növü Azərbaycanda yayılsa, karantin ola bilərmi?

“Bu günə qədər Azərbaycanda virusla bağlı araşdırma aparılmayıb. Bilinmir yeni növ var, ya yox. Modul tipli xəstəxanalar hazırlanıb, onların heç birində tədqiqat aparılmır. Ümumiyyətlə, modul tipli xəstəxanalarda 6-cı kurs tələbələri müalicə həyata keçirirlərsə, hansı araşdırmalardan söhbət gedə bilər?!

Bəlkə də “Omicron” ştammı ilk dəfə Azərbaycanda yayılıb, həkimlərimiz müalicə də edib, lakin araşdırma olmadığı üçün heç kim bilməyib ki, bu, yeni virus növüdür”.

Mehri QURBAN

Yenisabah.az

ƏVVƏLKİ XƏBƏR

Kabildəki səfirliyinin boşaldılmaması qərarı... - Rusiya

SONRAKI XƏBƏR

Polşa –Belarus sərhədində bu günə qədər 8 miqrantın cəsədi tapılıb