İtaliyada 5-11 yaş qrupundakı uşaqlara COVID-19-a qarşı peyvəndin tətbiqi təsdiqlənib

Roma, 2 dekabr, AZƏRTAC

İtaliya Farmakologiya Agentliyi (AIFA) 5-11 yaş qrupu üzrə uşaqlara COVID-19 infeksiyasına qarşı “Pfizer/BioNTech” peyvəndinin azaldılmış dozasının tətbiqini təsdiqləyib.

AZƏRTAC xəbər verir ki, AIFA Elmi Komitəsinin iclasında “Pfizer/BioNTech” peyvəndinin 5-11 yaş qrupundakı uşaqlara üç həftəlik fasilələrlə dozanın üçdəbiri həcmində vurulması barədə qərar qəbul edilib.

Xatırladaq ki, Avropa Dərman Agentliyi (EMA) noyabrın 25-də 5-11 yaş qrupundakı uşaqlara “Pfizer/BioNTech” peyvəndinin tətbiq edilməsi ilə bağlı qərar verib. Avropa ilə yanaşı, ABŞ, İsrail və Kanada da bu yaş qrupundakı uşaqlara COVID-19 əleyhinə peyvənd vurulur.

 

Nihad Budaqov

Roma

Azertag.az

ƏVVƏLKİ XƏBƏR

Taekvondo üzrə Azərbaycan birinciliyinin bütün qalibləri müəyyənləşib

SONRAKI XƏBƏR

Türkiyəli generaldan helikopter qəzası ilə bağlı AÇIQLAMA