Goranboyda minaya düşən şəxsin yaxınları danışdı - VİDEO

Goranboy rayon sakini 26 yaşlı Vüqar Məmmədov Tapqaraqoyunlu kəndinin ərazisində minaya düşüb.

Hadisə kənd sakininin özlərinə məxsus heyvanları İncə çaydan çıxaran zaman baş verib.

Yaralı özünü itirməyərək dostlarını köməyə çağırıb. O, Goranboy Rayon Mərkəzi Xəstəxanasına çatdırılıb, sol ayağı dizdən aşağı amputasiya olunub.

Bir bacının yeganə qardaşı olan Vüqar Məmmədovun doğmaları həmin ərazidən kənd sakinlərinin gedib-gəldiyini, mal-qaranın ərazidə otladığını bildiriblər. Partlayan minanı isə sel sularının gətirdiyini iddia edirlər.

Faktla bağlı rayon prokurorluğunun əməkdaşları tərəfindən əraziyə baxış keçirilib, hadisənin təfərrüatları istiqamətində araşdırmalar aparılır.

 

Oxu.az

ƏVVƏLKİ XƏBƏR

ANAMA yeni əməliyyat qrupları formalaşdırır - Sədr müavini

SONRAKI XƏBƏR

Bakıda ana və 3 övladı dəm qazından zəhərləndi