"İcra başçısının şəhid bacısını qəbul etməməsi məlumatı qərəzlidir" - RƏSMİ AÇIQLAMA

Xaçmaz Rayon İcra Hakimiyyətinin başçısı Elnur Rzayevin Şəhidlər xiyabanından qovulması ilə bağlı məlumatlar əsassız və qərəzlidir.

İcra Hakimiyyətindən Manset.az-a verilən məlumata görə, şəhid Xəlilov Bəxtiyar Əlamət oğlu Birinci Qarabağ Müharibəsi zamanı 03.05.1994-cü ildə Füzuli rayonu istiqamətində şəhid olmuşdur. Xəlilov Bəxtiyar Əlamət oğlu şəhid olduğu vaxt subay olmuşdur, atası və anası isə müxtəlif vaxtlarda rəhmətə gedib.

Şəhidin bacısı 1963-cü il təvəllüdlü Xəlilova Zülfirə Əlamət qızına məxsus ev tikintisi zamanı çiy kərpicdən istifadə olunduğu üçün zamanla aşınmalara və çatlara səbəb olmuş, qəzalı vəziyyətə düşümüşdür. 2018-ci ildə yağmış leysan yağışları nəticəsində qəzalı vəziyyətə olmuş ev dağılmışdır. Sonradan evin çiy kərpicdən tikildiyi müvafiq qurumlar tərəfindən müəyyən edildiyindən evin bərpası mümkün olmayıb.Şəhid adının əbədiləşdirilməsi və şəhid ailələrinə edilən güzəştlərin tətbiqi qaydalarına uyğun olaraq şəhidin bacısı Xəlilova Zülfirə Əlamət qızının Şəhid Ailəsi statusu olmadığından ona müvafiq qaydada evin verilməsi mümkün olmamışdır. Belə ki, qanunvericiliyə əsasən şəhidin həyat yoldaşı, valideynləri və uşaqları Şəhid Ailəsi statusuna malik olur.

Bütün bunlara baxmayaraq Xəlilova Zülfirəyə evi dağıldıqdan sonra Xaçmaz Rayon İcra Hakimiyyəti tərəfindən kirayə haqqının ödənilməsi üçün 2018-ci ildən hər ay müvafiq qaydada maddi yardım edilir.

20 Yanvar 2022 – ci il tarixinidə Xaçmaz Rayonunda Şəhidlər Xiyabanında yenidən Xaçmaz Rayon İcra Hakimiyyəti başçısına müraciət etmiş və Şəhid bacısı elə həmin gün qəbul edilib.

Vətəndaşın öz istəyinə uyğun olaraq 2022-ci ilin mart-aprel aylarında dağılmış evinin bərpası ilə əlaqədar tikinti materialları ilə köməklik göstəriləcəyi bildirilmiş, həmçinin Zülfirə Xəlilovanın müraciəti əsasında səhhətində yaranan problemlərlə bağlı müayinələrin aparılması üçün müvafiq tapşırılar verilib.

Qeyd edək ki, Xaçmaz Rayon İcra Hakimiyyəti tərəfindən Şəhid ailələri və Qarabağ qaziləri daim diqqət mərkəzində saxlanılır.

Manset.az

ƏVVƏLKİ XƏBƏR

Sarkisyanın istefasından sonra Paşinyanın sülh MESAJLARI

SONRAKI XƏBƏR

Prezident: “Əminəm ki, yaxın gələcəkdə İran şirkətləri azad edilmiş torpaqlarda fəal işə başlayacaqlar”