Gülhanə Hərbi Hospitalında müalicə olunan qazilərimizlə görüş keçirilib

Ankara, 28 yanvar, AZƏRTAC

Azərbaycan əmək və əhalinin sosial müdafiəsi nazirinin müavini Hidayət Abdullayev Ankarada Gülhanə Hərbi Hospitalında müalicə olunan Vətən müharibəsi qaziləri ilə görüşüb.

AZƏRTAC xəbər verir ki, qazilərin müayinə və müalicəsi ilə yaxından tanış olana nazir müavini Hidayət Abdullayev onları dinləyib, möhkəm can sağlığı arzularını çatdırıb, vətənimizin bütövlüyü uğrunda göstərdikləri şücaətin heç zaman unudulmayacağını ifadə edib.

Səmimi söhbət şəraitində qazilərimiz və valideynləri göstərilən diqqət və qayğıya görə dövlətimizə minnətdarlıqlarını ifadə ediblər.

Qeyd edək ki, “YAŞAT” Fondu tərəfindən Türkiyənin müxtəlif şəhərlərində nüfuzlu xəstəxana və bərpa mərkəzlərinə göndərilən qazilərimizin sağlamlığının bərpası prosesi uğurla aparılır.

Sabir Şahtaxtı

AZƏRTAC-ın xüsusi müxbiri

Ankara

Azertag.az

ƏVVƏLKİ XƏBƏR

1 000-dən çox qadın müxtəlif özünə məşğulluqla bağlı təlimlərə cəlb olunub - RƏSMİ

SONRAKI XƏBƏR

Bölgələrdə müxtəlif mədəniyyət tədbirləri təşkil edilib