İstanbulun rəmzləri şanlı bayrağımızın rənglərinə bürünüb

28 May – Müstəqillik Günü münasibətilə İstanbulunun rəmzləri Azərbaycan bayrağının rəngləri ilə işıqlandırılıb.

AZƏRTAC xəbər verir ki, mayın 27-si və 28-i təşkil olunan proyeksiya ölkəmizin İstanbuldaki Baş Konsulluğunun təşəbbüsü və qardaş ölkənin aidiyyəti dövlət qurumlarının dəstəyi ilə baş tutub.

Bu münasibətlə tarixi Qalata qülləsi və İstanbulun iki qitəni birləşdirən körpüləri şanlı bayrağımızın rənglərinə bürünüb.

Kompozisiya yerli vətəndaşlar və bu şəhərdə qonaq olan turistlər tərəfindən böyük maraqla qarşılanıb.

Azertag.az

ƏVVƏLKİ XƏBƏR

Bayden və Zelenski öz məqsədlərinə çatacaqlar – Dövlət Dumasının sədri

SONRAKI XƏBƏR

"Harasa getsəm..." - Rəsul Çunayev iddialara cavab verdi