AZAL yüzlərlə insanın həyatını təhlükəyə atır - FOTOLAR

 

Bu gün saat 12:20-də İstanbuldan Bakıya uçmalı olan təyyarə nasazlıq ucbatından hələ ləngiyir.

Bu barədə AFN.az-a həmin reyslə paytaxta gəlməli olan sərnişinlər məlumat veriblər. Bildirilir ki, Azərbaycan Hava Yollarına (AZAL) məxsus “Ordubad” adlı təyyarə iyun ayının 29-da da nasazlıq səbəbindən gecikib: “Belə çıxır ki, AZAL rəhbərliyi yüzlərlə insanın həyatını təhlükəyə atır və bundan narahat deyil. Biz qorxuruq bu təyyarə ilə yola çıxmağa”.

“Azərbaycan Hava Yolları” QSC-nin Mətbuat xidmətindən məlunatı təsdiqlədilər. Bildirildi ki, gecikməyə səbəb kondisioner sistemi ilə yaşanan problemdir: “Gecikmiş reysin sərnişinləri aviaşirkətin qaydalarına uyğun olaraq lazımi əşyalarla təmin olunacaqlar”.

Mətbuat Xidmətindən təyyarənin bundan əvvəl də nasazlıq səbəbindən gecikməsi haqda məlumatı təsdiqləmədilər.

www.yenicag.az

Yenicag.az

ƏVVƏLKİ XƏBƏR

Gəncəyə leysan yağdı: İki qəsəbəyə sel gəldi

SONRAKI XƏBƏR

Parisdə ETİRAZ DALĞASI: onlarla reys təxirə salındı