Pakistanda terror aktı olub, 10 hərbçi yaralanıb

Pakistanın Şimali Vəziristan əyalətində terror aktı olub.

“Report” TASS-a istinadən xəbər verir ki, bu barədə yerli ölkənin Müdafiə Nazirliyi məlumat yayıb.

Bildirilib ki, kamikadze bombanı xüsusi təyinatlı hərbçilərin olduğu kortej yaxınlığında partladıb. Hadisə nəticəsində ən azı 10 əsgər yaralanıb. Onlardan 3-nün vəziyyəti ağırdır.

Qeyd edək ki, Şimali və Cənubi Vəziristandakı radikal qruplar Vəziristan İslam Dövləti adlanan təşkilatın yaradılmasına can atır.

Xatırladaq ki, Vəziristan Əfqanıstanla sərhəddə Pakistanın qəbilə bölgəsində yerləşir. Müxtəlif terror təşkilatlarının fəaliyyəti səbəbindən bura ölkənin təhlükəli nöqtələrindən biri hesab olunur.

Report.az

ƏVVƏLKİ XƏBƏR

Bakı, Sumqayıt və Abşeron üzrə pensiyalar bu tarixdə ÖDƏNİLƏCƏK

SONRAKI XƏBƏR

Patruşev: "Qərbin yardımlarına baxmayaraq Ukrayanda hədəfə çatacağıq"