Azərbaycanda meymunçiçəyi testini necə vermək olar? - QAYDALAR + RƏSMİ

Xəbər verdiyimiz kimi, Səhiyyə Nazirliyi Azərbaycana meymunçiçəyi testlərinin gətirilməsi ilə bağlı məlumat yayıb. Nazirliyin təşəbbüsü ilə, Ümumdünya Səhiyyə Təşkilatı(ÜST) tərəfindən 3000 diaqnostik test artıq ölkəmizdədir.

Bəs görəsən meymunçiçəyi virusunda testin götürülməsi prosesi nə cür aparılacaq? Bunun üçün vətəndaşdan ödəniş alınacaqmı? Narahatlıq hiss edən şəxslər hara müraciət etməlidir?

Bu barədə BAKU.WS-in suallarını cavablandıran Səhiyyə Nazirliyinin Mətbuat Xidmətinin əməkdaşı Elvin Hacıyev deyir ki, ölkəyə gətirilən meymunçiçəyi testlərinin götürülməsi dövlət tibb müəsisələrində pulsuz olacaq:

“Səhhətində narahatlıq hiss edən vətəndaş əvvəlcə həkimə müraciət etməlidir. Əgər həkim məsləhət bilərsə bu zaman ondan test götürüləcək. “Həmin adamlar ancaq şübhəli hal olduqda yoxlanılacaq. Xəstəliyin simptomları səpkilərlə müşayiət edildiyindən, kiminsə qızdırması olsa o gedib meymunçiçəyindən test verdirməməlidir”.

“Testlərdən özəl klinikalarda da yararlana biləcəyikmi?” sualına gəldikdə isə, müsahibimiz deyir ki, bu iş özəl tibb müəsisələrinin öz öhdəliyindədir. Hazırkı testləri dövlət gətirib və onlar Xüsusi Təhlükəli İnfeksiyalara Nəzarət Mərkəzinə verilib.

Baku.ws

ƏVVƏLKİ XƏBƏR

Bıçaqlanan tamadanın vəziyyəti ağırdır - Oğlu danışdı

SONRAKI XƏBƏR

İlk rollarıyla "PARTLADAN" 6 AKTRİSA - FOTO