Türkiyədə Abramoviçin daha iki yaxtası tapıldı

Türkiyədə Abramoviçin daha iki yaxtası tapıldı<span class="qirmizi"></span>

 

Roman Abramoviçlə əlaqəli daha iki gəmi - Halo yaxtası (55 metr) və Qarcon dayaq gəmisi (68 metr) Türkiyə sahillərində tapılıb.

Teleqraf.com Rusiya mətbuatına istinadən xəbər verir ki, milyarderin dəyəri 1,2 milyard dollardan çox olan bütün donanması hazırda təhlükəsiz vəziyyətdədir.

Bildirilib ki, Qarcon Türkiyənin cənub-qərbindəki Fethiyə liman şəhəri yaxınlığında, Halo isə cənubdakı Göcək limanında yerləşir.

Qeyd edək ki, aprel ayında bu gəmilərin Karib dənizindəki Antiqua və Barbuda limanına yaxınlaşması barədə məlumat yayılmışdı. Dövlət onların müsadirə edilməsində Böyük Britaniyaya yardım təklif etdi.

Bununla belə, Antiqua və Barbuda qanunlarına görə əgər şəxs ölkədə cinayət törətməyibsə, əmlaka həbs qoyulmasına icazə verilmir. Buna görə də, nəticədə iyulun 22-də hər iki gəmi adaların sularını tərk edib.

Mart ayında Roman Abramoviç Aİ və Böyük Britaniyanın sərt qanunları ilə üz-üzə qalıb. Hazırda sahibkar məhkəmə yolu ilə etiraz etməyə çalışır. Abramoviçin ifadəsinə görə, hücumlar onun Portuqaliya vətəndaşı kimi Aİ-nin qorumalı olan hüquqlarını pozur. O, təzminat olaraq Brüsseldən “Çelsi” futbol klubunu satdıqdan sonra 1 milyon milyon avro yardım pul tələb edir.

Mənbə: teleqraf.com