Qəzalı vəziyyətdə olan uşaq bağçası niyə fəaliyyətini hələ də davam etdirir? - FOTO

Qəzalı vəziyyətdə olan uşaq bağçası niyə fəaliyyətini hələ də davam etdirir? - FOTO<span class="qirmizi"></span>

 

Şəki şəhərində yerləşən 10 saylı uşaq bağçası qəzalı vəziyyətdədir.

Oxu.Az-ın əldə etdiyi məlumata görə, uzun illərdir fəaliyyət göstərən və istismar müddətini başa vurmuş binanın yarı hissəsi bu gün də uşaq bağçası kimi fəaliyyətini davam etdirir.

Binanın qəzalı və antisanitar görüntüsü insanı buraya göndərilən körpələrin sağlamlığı, eyni zamanda təhlükəsizliyi barədə düşünməyə vadar edir.

Vəziyyətlə bağlı aidiyyəti qurumlardan suallarımıza cavab almağa çalışsaq da, bu, mümkün olmayıb.

Nəzərə alsaq ki, uşaq bağçaları Elm və Təhsil Nazirliyinin tabeliyinə bir neçə aydır ki, verilib, əvvəlki cavabdeh qurum, yəni Şəki Şəhər İcra Hakimiyyəti ilə əlaqə saxladıq. Oradan yönləndirildiyimiz nömrədən isə zənglərimizə cavab verilmədi.

Aysel Aslanqızı

Mənbə: www.oxu.az