Ələt-Astara yolunun Biləsuvar və Cəlilabad rayonları ərazisindən keçən hissəsi qəzalı vəziyyətdədir.

Bu barədə  sürücülər və sərnişinlər məlumat verib.

Onların sözlərinə görə, bu yolda addımbaşı çala-çuxura rast gəlinir:

"Düzdür vaxtaşırı bəzi yerlərdə təmir işləri aparılır. Lakin bu kifayət deyil. Gərək bu yol yenidən qurulsun. Yoldan istifadə edən zaman əziyyət çəkirik. Maşınımız tez-tez xarab olur".

Məsələ ilə bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli bildirib ki, problem mərhələli şəkildə həll ediləcək: "Yaxın vaxtlarda ilkin olaraq bu yolun Biləsuvar rayonundan keçən hissəsində işlərə başlanılacaq".

Mənbə: report.az