Twitterin San-Fransisko ofisində çarpayıların yerləşdirilməsi nəticəsində şəhər hökuməti araşdırma başladıb.

Manset.az-ın xarici mediaya istinadən məlumatına görə, işçilər ofis binasında bir mərtəbədə dörd-səkkiz çarpayının yerləşdirildiyini söyləyib.

Sözügedən dəyişikliklərlə İlon Maskın şirkət işçilərinə “çox çalışmaq” mesajı verməsi ehtimal edilir.

San Fransisko şəhər hökuməti isə kommersiya icazəsi alınan binada yaşayış üçün heç bir müraciət edilmədiyini açıqlayıb.

Şəhər rəhbərliyinin araşdırma başlatmasına reaksiya verən İlon Mask, parkda narkotik təsirindən ölən gənc oğlanla bağlı xəbəri paylaşaraq, “San-Fransisko şəhəri uşaqların fentanildən qorunduğundan əmin olmaq əvəzinə yorğun işçilər üçün çarpayı təmin edən şirkətlərə hücum edir” - deyib.

Mənbə: manset.az