Ukraynanın şərqində şiddətli döyüşlər davam edir. Düşmən Liman istiqamətində hücum coğrafiyasını genişləndirməyə çalışır və Ukrayna müdafiəsini yarmaq üçün güclü cəhdlər edir.

Axar.az xəbər verir ki, bunu Ukrayna müdafiə nazirinin müavini Anna Malyar bildirib.

Qeyd olunub ki, böyük itkilərə baxmayaraq, Rusiya qüvvələri Baxmut, Avdeyevski, Novopavlovski istiqamətlərində də hücum əməliyyatlarını davam etdirir.

Malyarın sözlərinə görə, rus qoşunları fəal şəkildə Donetsk və Luqansk vilayətlərinin sərhədlərinə çatmağa çalışır.

Mənbə: axar.az