Qaraciyər sirrozundan əziyyət çəkən Ağakişiyeva Fəxriyyənin köməyə ehtiyacı var.

Bu barədə Oxu.Az-a onun bacısı Yetər Qazıyeva məlumat verib.

O bildirib ki, bacısı Fəxriyyə Ağakişiyeva 4 ildir qaraciyər sirrozu ilə mübarizə aparır.

“Bacımın 49 yaşı var. Dörd il əvvəl ağrıları başladı, buna görə həkimə getdi, məlum oldu ki qaraciyər sirrozundan əziyyət çəkir. Vəziyyəti çox ağırdır. İki dəfə qarın boşluğunda yığılan su çəkilsə də, bu dəfə həkimlər suyun çəkilməyinin təhlükəli olduğunu deyirlər”.

Yetər Qazıyeva bacısının müalicəsi üçün qardaşlarının evini banka girov qoyduğunu deyib.

“Bacım Türkiyədə əməliyyat olunmalıdır. Donoru tapılıb. Əməliyyat üçün 58 000 manat lazım idi. Qardaşımız evini banka girov qoyub 36 000 manat götürüb, qohumlarımız və yardımsevər şəxslər sayəsində 19 000 manat da yığılıb. İndi isə 3 000 manatımız çatmır. İmkanlı şəxslərdən bacıma kömək olmalarını xahiş edirəm. Bacımın üç övladı var. Balaca övladının dörd yaşı var. Yoldaşı isə 2 il əvvəl yol-nəqliyyat hadisəsində vəfat edib”.

İcbari Tibbi Sığorta üzrə Dövlət Agentliyi tərəfindən Ağasiyeva Fəxriyyə Ağahüseyn qızı ilə bağlı müraciət araşdırılıb. Vətəndaşın qaraciyər sirrozu xəstəliyindən əziyyət çəkdiyi məlum olub və vətəndaş Türkiyə Respublikasında qaraciyər köçürülməsi əməliyyatı üçün ona köməklik göstərilməsini xahiş edib. Vətəndaşa əməliyyatın icbari tibbi sığortanın Xidmətlər Zərfi ilə təminata alınmadığı bildirilib.

Ailə ilə əlaqə: 055 495 56 92

Mənbə: www.oxu.az