Türkiyə Prezidenti Rəcəb Tayyib Ərdoğanın göstərişi ilə zəlzələ bölgəsində axtarış-xilasetmə və tibb işçilərinin daşınması üçün Prezident Administrasiyasına məxsus 2 təyyarə ayrılıb.
Xeberoxu.Az “Anadolu”ya istinadən xəbər verir ki, təyyarələr artıq zəlzələ bölgəsinə göndərilib.
Onlardan biri Adıyaman, digəri isə Kahramanmaraş istiqamətində hərəkət edib.
Bölgəyə gedən təyyarələrdə kardioloqlar, ümumi cərrahlar, ürək-damar cərrahları, neyrocərrahlar, ortopedlər, doğum həkimləri, tibb bacıları və AFAD texniki işçiləri yer alıb.
