Azərbaycanda dağınıq skleroz xəstəliyinə tutulmuş şəxslər ödənişsiz psixoloji yardım alacaqlar.

APA-nın məlumatına görə, bununla bağlı “Dağınıq skleroz xəstəliyinə tutulmuş şəxslərə dövlət qayğısı haqqında” qanuna dəyişiklik təklif edilir.

Belə ki, qanun layihəsinin 7-ci maddəsinin (Dağınıq skleroz xəstəliyinə tutulmuş şəxslərin hüquqları) 7.0.4-cü bəndinə edilən dəyişikliklə, dağınıq skleroz xəstəliyinə tutulmuş şəxslərin “Psixoloji yardım haqqında” qanunu ilə müəyyən edilmiş qaydada ödənişsiz psixoloji yardım almaq hüququ olacaq.

Qanun layihəsinə dəyişiklik Milli Məclisin Səhiyyə komitəsinin sabah – sentyabrın 18-də keçiriləcək iclasında müzakirə ediləcək.

Mənbə: apa.az