Azərbaycanın gizli Əhmədzadə xanədanı... - İDDİA

Azərbaycanın gizli Əhmədzadə xanədanı... - İDDİA

Teref.az yazır ki, müstəqil araşdılrmaçı jurnalist Cavanşir Həsənli sosial şəbəkədə maraqlı bir faktla bağlı paylaşım edib.

Cvanşir bəyin yazdığına görə Qax rayonunda Meliorasiya və Su Təsərrüfatı Açıq Səhmdar Cəmiyyətinin sədri Əhməd Əhmədzadənin və 73 yaşlı qardaşı, Zaqatalanın icra başçısı Mübariz Əhmədzadənin atası Cümə Əhmədzadənin adına küçə var.

Teref.az olaraq müstəqil araşdırmaçı jurnalist Cavanşir Həsənlinin sosial şəbəkədə paylaşdığı statusunu təqdim edirik:

"Mən anlamıram, Qaxda Cümə Əhmədzadənin adına niyə küçə olmalıdır ki?

Adları mütəmadi olaraq korrupsiyada hallanan Meliorasiya və Su Təsərrüfatı Açıq Səhmdar Cəmiyyətinin sədri Əhməd Əhmədzadənin və 73 yaşlı qardaşı, Zaqatalanın icra başçısı Mübariz Əhmədzadənin atası olduğu üçünmü? Kim buna razılıq verib? Nə məqsədlə? Cümə Əhmədzadə ümumiyyətlə kim olub, bəlkə mən bilmirəm, bilən varsa yazsın, nə xidmətləri olun bu xalq üçün, ölkə üçün?

Azərbaycanda Allaha şükür, az qala vəzifələrin sayı qədər korrupsioner, yaxud rüşvətxor var, gərək hamısının dədəsinin adı əbədiləşdirilsin?"

Teref.az olaraq internetdə Cümə Əhmədzadə haqqında axtarış versək də, heç bir məlumnat əldə edə bilmədik. Düzdür nəvə Cümə Əhmədzadənin xaricdə tapılan milyonları haqda bir çox məlumat var idi, lakin baba Cümə Əhmədzadə haqqında heç bir məlumat əldə edə bilmədik ki, Qax rayonunda onun adına hansı əməllərinə görə küçə adı verildiyini öyrənək.

Teref.az olaraq qarşı təfəfin fikirlərini işıqlandırmağa hazırıq!

Mənbə: www.regionxeberleri.com