Valideyn və şagirdlərin nəzərinə! - Noyabrın 11-i altıgünlük məktəblərdə dərs olacaq

Altıgünlük tədris həftəsi ilə işləyən məktəblərdə noyabrın 11-i iş günüdür.

Atv.az xəbər verir ki, 9 noyabr Dövlət Bayrağı Günü şənbə gününə təsadüf etdiyindən Əmək Məcəlləsinə əsasən, növbəti həftənin ilk günü, 11 noyabr tarixi də qeyri-iş günü olacaq. Təhsil Nazirliyindən verilən məlumata görə, Əmək Məcəlləsinin 105-ci maddəsinin 5-ci bəndinə əsasən, həftələrarası istirahət günləri və iş günü hesab olunmayan bayram günləri üst-üstə düşərsə, həmin istirahət günü bilavasitə bayram günündən sonrakı iş gününə keçirilir. Dövlət Bayrağı Günü həftənin şənbə gününə, yəni altıgünlük iş həftəsi olan məktəblərdə iş gününə təsadüf etdiyindən, növbəti həftənin bazar ertəsi - noyabrın 11-i həmin məktəblərdə iş günüdür. Lakin bu, altıgünlük iş həftəsi olan məktəblərdə beş gün işləyən və təhsil alanlara aid deyil.

Atv.az

Atv.az

ƏVVƏLKİ XƏBƏR

XİN başçısı: "Ermənistan-Azərbaycan münaqişəsi hərtərəfli əməkdaşlığın qarşısını alır"

SONRAKI XƏBƏR

Kirill Maraxovski: Milli Onkologiya Mərkəzinin mehriban kollektivi məndə xoş təəssürat yaratdı