Deputatlığa namizəd Murad Fərzəliyev şəhidlərin xatirəsini anıb

79 saylı İmişli seçki dairəsi üzrə deputatlığa namizəd Murad Fərzəliyev 20 Yanvar şəhidlərinin xatirə günü ilə əlaqədar olaraq, seçki qərargahının üzvləri və çoxsaylı seçiciləri ilə birlikdə İmişlidəki Şəhidlər Xiyabanını ziyarət edib. Onlar şəhərin mərkəzində yerləşən seçki qərargahının önündən Şəhidlər Xiyabanına qədər olan məsafəni piyada gediblər.

Ziyarətçilər əvvəlcə Azərbaycanın Milli Qəhrəmanı İmamverdi Əliyevin Rayon Polis Şöbəsinin qarşısındakı xatirə lövhəsinin önünə qərənfillər düzərək şəhid polis zabitinin xatirəsini yad etmişlər. Yol boyu onlara çoxsaylı rayon sakinləri də qoşulub. Ziyarətçilər şəhidlərin məzarı üstünə qərənfillər düzərək müstəqilliyimiz və torpaqlarımızın azadlığı uğrunda canlarından keçən bütün şəhidlərimizə rəhmət diləmişlər. Deputatlığa namizəd Murad Fərzəliyev Şəhidlər Xiyabanındakı Qarabağ uğrunda döyüşlərdə həlak olan şəhidlərimizin yaxınları ilə görüşmüş onların problemləri, arzu və istəkləri ilə maraqlanmışdır.

Ziyarətdən sonra deputatlığa namizəd Murad Fərzəliyev çıxış edərək xalqımızın qəhrəmanlıqlarla zəngin olan tarixində şəhidlərimizin xüsusi yeri olduğunu, Vətənimizin müstəqilliyi və torpaqlarımızın azadlığı uğrunda şəhid olanların xalqımızın qəlbində əbədi yaşayacağını bildirib.

Faktor.az

ƏVVƏLKİ XƏBƏR

Qahirədə 20 Yanvar faciəsindən bəhs edən kitabın təqdimatı olub - FOTO

SONRAKI XƏBƏR

Rasim Balayev tanınmış həkim namizədlə bağlı çağırış etdi - VİDEO