Türkiyədən Azərbaycana iş tapmaq üçün gələnlərin sayı kəskin artıb

2019-cu ildə Türkiyədən Azərbaycana məşğulluq məqsədilə səfərlərin sayı artıb.

Bu barədə Trend-ə Türkiyənin Məşğulluq Xidməti Baş İdarəsindən (İŞKUR) bildiriblər.

Statistikaya əsasən, ötən il ərzində Türkiyədən Azərbaycana iş axtarmaq üçün gələnlərin sayı 2018-ci illə müqayisədə 93,5 faiz artıb.

İdarədən bildiriblər ki, bu dövr ərzində Azərbaycana iş tapmaq üçün səfər edənlərin sayı 60 nəfər olub.

Ümumilikdə hesabat dövründə 19 991 nəfər Türkiyə vətəndaşı iş tapmaq üçün xaricə səfər edib. Bu, 2018-ci illə müqayisədə 20,3 faiz azdır.

2019-cu ildə Türkiyədə İŞKUR xətti ilə 1,49 milyon nəfər işlə təmin olunub ki, bu da 2018-ci illə müqayisədə 19,5 faiz çoxdur.

Trend.az

ƏVVƏLKİ XƏBƏR

Berlin konfransı Haftarı gücləndirdi, Sərracı isə... - Ekspert

SONRAKI XƏBƏR

Çində koronavirusa yoluxanların sayı 440-a, ölənlərin sayı isə 9-a çatıb