“Aviation Services Group” Koronavirusla Mübarizəyə Dəstək Fonduna bir milyon manat köçürdü

Bakı. Trend:

Azərbaycanda mülki aviasiya xidmətləri göstərən “Aviation Services Group” (ASG) şirkətlər qrupu Azərbaycan Respublikasının Prezidenti İlham Əliyevin təşəbbüsünü dəstəkləyərək Koronavirusla Mübarizəyə Dəstək Fonduna bir milyon manat köçürüb.

Trend-in məlumatına görə, “Aviation Services Group”un tərkibinə daxil olan şirkətlər hava limanlarında həmyerlilərimizin vətənə qaytarılması çərçivəsində gücləndirilmiş rejimdə işləyirlər. “Aviation Services Group” Azərbaycan Respublikası Nazirlər Kabineti yanında yaradılmış Operativ Qərargahın tövsiyələrinə əməl edərək müştərilərinin və əməkdaşlarının sağlamlığının qorunmasını təmin etmək üçün bütün təhlükəsizlik tədbirlərini yerinə yetirir.

“Aviation Services Group” koronavirus infeksiyası (“COVID-19”) ilə mübarizədə hökumət və Azərbaycan xalqı ilə həmrəyliyini bildirir və pandemiya ilə mübarizədə birlik göstərməyə çağırır.

Trend.az

ƏVVƏLKİ XƏBƏR

Türkiyəli məşhur cütlüyün koronavirus həyəcanı - FOTO

SONRAKI XƏBƏR

Mübariz Mənsimov həbsxanadan buraxıla bilər