Azərbaycanda koronavirusla bağlı yalan məlumat yayan qadın əməlini belə əsaslandırdı - VİDEO

“WhatsApp”la koronavirus pandemiyası ilə bağlı yalan məlumat yayan qadın saxlanılıb.

Oxu.Az-a verilən məlumata görə, Gəncə şəhər sakini, 1979-cu il təvəllüdlü Elmira Məmməd qızı Məmmədova polisə ifadəsi zamanı etdiyi əməldən peşman olduğunu qeyd edib:

“Mən bu hərəkəti bilmədən etmişəm. Narahat etdiyim insanlardan üzr istəyirəm. Sadəcə, atamı, ailəmi qorumaqdan ötrü “WhatsApp” sosial şəbəkəsi ilə qardaşımın həyat yoldaşına səs göndərdim”.

E.Məmmədova yaratdığı narahatlığa görə Azərbaycan xalqından üzr istəyib.

Qeyd edək ki, “WhatsApp” mesencerinin istifadəçisi olan qadın həmin şəbəkə vasitəsilə koronavirus pandemiyası ilə əlaqədar guya Şəmkir rayonu ərazisində vəziyyətin ağır olması ilə bağlı uydurma məlumatlar yayıb.

İlhamə Əbülfət

 

Oxu.az

ƏVVƏLKİ XƏBƏR

Tovuzda avtomobil qəzası oldu - FOTO

SONRAKI XƏBƏR

Aydın Mirzəzadə: Hər kəsin bacardığı qədər evdə qalması, insanlarla az təmasda olması vacibdir