Qazaxıstan paytaxtı Nur Sultanda sakinlər koronavirusla bağlı maraqlı aksiya başladıb.

News24.az xarici KİV-ə istinadən xəbər verir ki, onlar İşim çayı sahilində evsiz və ehtiyacı olanlar üçün yemək və antiseptik paketləri asıblar.

Lazımlı ərzaq dəstləri və tibbi antiseptiklər olan paketlərin üzərində "Dözümlü ol, dost!" yazılmış kağız olub.

Qida məhsullarının kimlər tərəfindən asıldığı bildirilmir. Xeyriyyəçilər adlarını gizli qalmaq istəyiblər.

Son məlumatlara görə, Qazaxıstanda koronavirusa 109 yoluxma halı qeydə alınıb.

Mənbə: news24.az