Koronavirusla bağlı Şəkidə maarifləndirmə işləri aparılır - FOTO

Ümumdünya Səhiyyə Təşkilatı tərəfindən qlobal pandemiya hesab olunan koronavirus (COVID-19) infeksiyasının yayılmasının qarşısının alınması məqsədilə Şəki şəhərində maarifləndirmə tədbirləri davam etdirilir.

Lent.az xəbər verir ki, Şəki Şəhər İcra Hakimiyyətinin əməkdalarından, Şəki bələdiyyəsinin üzvlərindən və məhəllə nümayəndələrindən, başçının kənd inzibati ərazi dairəsi üzrə nümayəndəliklərinin əməkdaşlarından və kənd bələdiyyələrinin üzvlərindən ibarət 19-u şəhər, 33-ü kəndlərdə olmaqla 52 qrup yaradılıb.

Qrup üzvləri Şəki şəhərinin küçə və prospektlərində, məhəllələrdə, kənd ərazilərində sakinlər arasında təbliğat və maarifləndirmə işləri aparmış, Nazirlər Kabineti yanında operativ qərargah tərəfindən verilən göstəriş və tövsiyələr barədə onları məlumatlandırmış və müvafiq izahatlar veriblər. Şəki Şəhər İcra Hakimiyyətinin əməkdaşları avtomobillə şəhərin müxtəlif ərazilərində hərəkət edərək səsgücləndirici vasitəsi ilə insanları maarifləndirib, karantin rejiminin tələblərinə riayət etməyə, çölə çıxmamağa çağırıb.

Lent.az

ƏVVƏLKİ XƏBƏR

“Azəriqaz Layihə İnşaat” və “Təmiz Qaz” Fonda 20 min köçürdü

SONRAKI XƏBƏR

Karantin müxtəlif ölkələrdə necə keçir?