Türkiyənin Aralıq dənizi və Qara dəniz bölgələrini birləşdirəcək, bu iki ərazi arasında qət edilən məsafəni 6 saata endirəcək avtomobil yolu layihəsinin ilin sonunadək tamamlanması planlaşdırılır.

FED.az xəbər verir ki, Osmanlı padişahı İkinci Əbdülhəmid zamanında “Dərəyolu” adı ilə fransız mühəndislər tərəfindən hazırlanan bu nəhəng layihənin təməli ilk dəfə 1929-cu ildə qoyulub. Sonradan dayandırılan “145 illik yuxu” adlı layihənin icrasına 2008-ci ildə yenidən başlanılıb.

Türkiyənin 5 əyalətini birbaşa, 50 şəhərini isə dolayı yollarla birləşdirəcək 818 kilometrlik bu avtomobil yolunun inşasının 95 faizi artıq tamamlanıb.

Mənbə: fed.az