Tələbələr arasında keçirilən “Azərbaycan naminə” adlı esse yazı müsabiqəsinin qalibləri açıqlanıb.

Axar.az xəbər verir ki, “Zəfər” şəhid ailələrinə dəstək ictimai birliyi Mənəvi Dəyərlərin Təbliği Fondunun dəstəyi ilə 2016-cı il 1-4 aprel tarixində Azərbaycanın ərazi bütövlüyünün bərpası uğrunda döyüşlərin 4-cü ildönümünə həsr olunmuş, ölkəmizdə yerləşən 10 universitet arasında 01.02.2020-10.03.2020-ci il tarixlərində “Azərbaycan naminə” adlı esse yazı müsabiqəsi təşkil edib.

Müsabiqə aşağıdakı mövzuları əhatə etmiş və hər mövzu üzrə göndərilən yazıların statistikası aşağıdakı kimi oub:

-Vətənpərvərlik və şəhidlik zirvəsi - 228 esse

-Mənəvi dəyərlərimiz - 52 esse

-Azərbaycançılıq məfkurəsi - 43 esse

Esse yazı müsabiqəsində tələbələr fəal iştirak edib, hər üç mövzu ətrafında ümumilikdə 323 mövzu münsiflər tərəfindən dəyərləndirilərək müsabiqəyə qəbul edilib. Elektron ünvana göndərilən, lakin müsabiqə şərtlərinə uyğun olmayan esselər qəbul edilməyib.

Müsabiqədə iştirak edən universitetlərin fəallıq göstəricisini təqdim edirik:

Bakı Dövlət Universiteti - 94 esse

Bakı Slavyan Universiteti - 64 esse

Azərbaycan Dövlət Pedoqoji Universiteti - 55 esse

Lənkəran Dövlət Universiteti - 26 esse

Bakı Ali Neft Məktəbi - 21 esse

Bakı Mühəndislik Universiteti - 19 esse

Dövlət İdarəçilik Akademiyası - 16 esse

Gəncə Dövlət Universiteti - 15 esse

Azərbaycan Memarlıq və İnşaat Universiteti - 8 esse

Azərbaycan İlahiyyat İnstitutu - 5 esse

Esselər elektron ünvana daxil olduqdan sonra qiymətləndirmənin obyektivliyini təmin etmək üçün kodlaşdırılaraq aşağıdakı tərkibdə münsiflər komissiyasına göndərilib:

Komissiyanın sədri: Nigar Gözəlova - Tarix üzrə fəlsəfə doktoru, AMEA-nın A.A.Bakıxanov adına Tarix İnstitutunun elmi işçisi

Komissiyanın üzvləri: Əkrəm Bağırov - Filologiya üzrə fəlsəfə doktoru, AMEA-nın Əlyazmalar institutunun əməkdaşı,

Ramilə Qurbanlı - jurnalist-publisist, “Lent.az” saytının əməkdaşı

Münsiflər komissiyası tərəfindən hər bir esse hərtərəfli, obyektiv yoxlanılmış və hər bir münsif tərəfindən ən yüksək nəticə əldə etmiş aşağıda adları göstərilən tələbələr müsabiqənin qalibləri adını qazanmışlar:

1. Əhmədov Rəşad Bəxtiyar oğlu- BANM-nin kimya mühəndisliyi fakültəsinin 3-cü kurs tələbəsi - 1-ci yer

2. Vəliyeva Günəş Ələsgər qızı- BDU-nun tətbiqi riyaziyyat və kibernetika fakültəsinin 2-ci kurs tələbəsi – 2-ci yer

3. Balakişiyeva İlahə Rafail qızı- DİA-nın siyasi idarəetmə fakültəsinin 3-cü kurs tələbəsi – 2-ci yer

4. Bayramlı Nizami İmran oğlu – BSU-nun 2-ci ali təhsil tələbəsi – 3-cü yer

5. Mirhüseynli Nuranə Mirhəmid qızı – BMU-nun pedoqoji fakültənin 5-ci kurs tələbəsi – 3-cü yer

6. Həsənova Arzu Rahib qızı – BDU-nun sosial-psixoloji xidmət fakültəsinin 2-ci kurs tələbəsi – 3-cü yer

7. Pirəliyeva Səadət Elşad qızı – ADPU-nun pedoqoji fakültənin 4-cü kurs tələbəsi -3-cü kurs –həvəsləndirici mükafat

8. Fərzəliyev Xəyal Vüqar oğlu – BANM-nin informasiya təhlükəsizliyi fakültəsinin 2-ci kurs tələbəsi – həvəsləndirici mükafat

9. Mirzəyeva Nuranə Şıxəli qızı – ADPU-nun filologiya fakültəsinin 1-ci kurs tələbəsi – həvəsləndirici mükafat

10. Əlinur Ziya Əlövsət oğlu – LDU-nun təbiyyət fakültəsinin 4-cü kurs tələbəsi – həvəsləndirici mükafat

11. Əliyeva Nigar Ramiz qızı - BDU-nun filologiya fakültəsinin 3-cü kurs tələbəsi – həvəsləndirici mükafat

Təşkilat bu müsabiqədə iştirak edən hər bir tələbəyə dərin təşəkkürünü bildrib, qalibləri təbrik edib.

Mənbə: axar.az