"Virusa qarşı immuniteti necə formalaşdıraq? HƏKİM RƏYİ- ÖZƏL

"Bir insanın yolxucu xəstəliyə tutulması üçün yolxucu xəstəliyi daşıyan mikrobun bədənə müəyyən miqdarda keçməsi vacibdir. Bi rinsanın bədəninə iki dənə Hepatit B virusa keçibsə bu o demək deyil ki, həmin şəxs bu xəstəliyə yoluxacaq. Çünki xəstəliyə yoluxmaq və onu daşımaq üçün müəyyən miqdarda patogen almalıyıq. Bu da on minlərlə olmalıdır". Bu fikirləri SİA-ya uroloq-androloq Vasif İsmayıl deyib.

O bildirib ki, lakin digər yolxucu xəstəliklərdən fərqli olaraq koronavirusa yoluxma halı orqanizmə 100-dən minə qədər patogen daxil olduqda qeydə alına bilir: "Bu da virusun digərlərindən nə qədər təhlükəli olduğunu göstərir".

Yoluxmanın mümkün şəraitləri haqqında danışan mütəxəssis söyləyib ki, insanlar arasında təmas zamanı ara məsafə 2 metr olarsa, o zaman yoluxma riski aşağı düşür: "Çünki infeksiya hava da qalmır. Amma əllə təmas virusun keçmə ehtimalını artırır. Əli üzə toxundurmadam öncə sabunla yusaq və ya spirtlə dezinfeksiya etsək o zaman virusa yoluxmaqdan özümüzü qoruya bilərik. Məhz ona görə də insanlara tez-tez əl yumaq və ya dezinfeksiya edici vasitələrdən istifadə etmək tövsiyə olunur".

V. İsmayıl qeyd edib ki, insanlığa sərf edən məqamlardan biri virusu alıb xəstələnməməkdir:" Əsas məsələ odur ki, virusu alaq, lakin xəstələnməyək. Sadəcə ona qarşı özümüzdə immunitet formalaşdıraq. Çünki hər bir insan bu virusla qarşılaşmasa, ona qarşı immunitet formalaşdırmayacaq".

Sia.az

ƏVVƏLKİ XƏBƏR

Sabiq polis rəisidən tövsiyə: “Qanuna, qaydaya tabe olun !”

SONRAKI XƏBƏR

GünazTV April.01.2020: Pompeo: ABŞ koronavirus səbəbiylə İran sanksiyalarını yenidən nəzərdən keçirə bilər.