Səudiyyə Ərəbistanı müsəlmanlara: “Ziyarət planını təxirə salın” - Video

Səudiyyə Ərəbistanı müsəlmanlara: “Ziyarət planını təxirə salın” - Video

Bu il Məkkəyə ziyarət üçün azı 2 milyon insanın gələcəyi gözlənilirdi. Amma koronavirus həm də bu planları alt-üst etdi.

Bizimyol.info xəbər verir ki, Səudiyyə Ərəbistanı müsəlmanlara müraciətində bu məsələyə toxunub. Ərəb ölkəsi Məkkəyə gəlmək istəyənlərə ziyarət planını təxirə salmağı məsləhət görüb. Səudiyyə Ərəbistanı Həcc və Ümrə naziri Məhəmməd Salih bin Tahir Benten insanların səhhətinə zərər toxunmaq ehtimalının olduğunu, buna görə narahatlıq keçirdiklərini söyləyib.

Hələ bir müddət əvvəl Məkkə və Mədinəyə əcnəbilərin gəlişi qadağan olunmuşdu. Ziyarət yerlərində əsasən yerli adamlar gözə dəyir.

İndiyə qədər Səudiyyə Ərəbistanında 1720 yoluxma qeydə alınıb. Koronavirus 16 nəfərin həyatına son qoyub.

Mənbə: www.bizimyol.info