Roma, 2 aprel, AZƏRTAC

Aprelin 2-si axşam saat 8-ə olan məlumata görə, İtaliyada koronavirusa yoluxanların sayı 115 min 242 nəfərdir.

AZƏRTAC xəbər verir ki, son 24 saatda 760 nəfər vəfat edib. Yeni yoluxanların sayında isə azalma müşahidə olunur. Belə ki, onların sayı son 24 saatda 460 nəfər az, yəni 2477 nəfərdir.

Xəstəxanalara 137 adam yerləşdirilib. Ümumilikdə 4053 nəfər intensiv terapiya şöbələrində, 50 min 456 nəfər isə evlərində müalicə olunur.

Ölənlərin sayı ümumilikdə 13 min 915 nəfərdir.

Aygün Əliyeva

AZƏRTAC-ın xüsusi müxbiri

Roma

Mənbə: azertag.az