Tbilisi, 5 aprel, AZƏRTAC

SOCAR-ın Gürcüstan nümayəndəliyi koronavirusla mübarizə proqramı çərçivəsində Marneuli rayonunda yaşayan fiziki qüsurlu insanlara ərzaq yardımı edib.

Gürcüstanın Azərbaycanlı Əlillər Asossiasiyasının sədri Rövşən Əliyev AZƏRTAC-a bildirib ki, ümumilikdə 150 ailəyə müxtəlif gündəlik tələbat mallarından (ət, un, yağ, şəkər, yağ və s) ibarət yardın verilib.

R.Əliyev və yardım alan şəxslər göstərilən diqqət və qayğıya, xüsusən də koronavirusun yayıldığı bir vaxtda göstərilən yardıma görə, Azərbaycan Prezidentinə və Birinci vitse-prezidentə minnətdarlıq ediblər.

Mənbə: azertag.az