"Bakı Nəqliyyat Agentliyi (BNA) sürücülərin sağlamlığının qorunması istiqamətində tədbirlər görür".

"Report" xəbər verir ki, bunu qurumun Mətbuat xidmətinin rəhbəri Mais Ağayev onlayn dərs və videokonfrans tətbiqi olan "Zoom" vasitəsilə təşkil etdiyi mətbuat konfransında deyib.

"Avtobuslarda sürücülərlə sərnişinlər arasında şəffaf arakəsmələrin yaradılması istiqamətində işlər aparılır. Bundan başqa, sürücülər hər gün reysdən qabaq yoxlamalardan keçirilir, onların bədən hərarəti, təzyiqləri yoxlanılır. Sağlamlığında azacıq problem olan sürüclər xəttə buraxılmır. Hələ ki, belə bir məqamla rastlaşmamışıq. Eyni zamanda yaşı 65-dən yuxarı olan sürücülər xəttə buraxılmır. Sərnişinlər düşünməlidir ki, ciddi səbəb olmadan evdən çıxmaqla sürücüləri də təhlükə altında qoyurlar”, - M.Ağayev əlavə edib.

Mənbə: report.az